CAPITULUM SANCTI VINCENTII CONCEDIT EPISCOPO BERARDO CURTILUM JUXTA MUROS CIVITATIS, AD VIRIDARIUM. La chapitre Saint-Vincent de Mâcon concède à l'évêque Berardus un courtil situé près des murs de la ville afin d'y planter un verger.

Omnibus Matiscensis ecclesie filiis presentibus scilicet atque futuris notum fieri dignum duximus, quia cum preesset dominus Berardus venerabilis presul sacrosancte Dei ecclesie in honore Sancti Vincentii martiris dedicate, venit in capitulum canonicorum suorum, et petiit ab eis quod erat ei de rebus illorum necessarium, curtilum videlicet quem tenebat Umbertus de Insula juxta muros civitatis ad orientalem portam, et salicem de rivulo manante a fonte Leireitana ad hoc ut viridarium ibi plantaret et edificaret. Canonici vero, petitioni illius consentientes, concesserunt ei tantum in vita sua tali pacto de jam ut bene edificaret illud, et post decessum ejus, in pace redeat cum omni edificatione ad communitatem fratrum sine ulla retractione alicujus successoris sui. Quod dominus Berardus episcopus ita recepit et prohibuit ne aliquis suorum successorum ullam eis injuriam molestaretur, sed in pace tenerent et possiderent. Testes istius rei sunt dominus Artaldus decanus, dominus precentor Johannes, dominus Gaucerannus archidiaconus, et Bernardus Bisornatus, qui jussu domini sui domini Berardi episcopi hec scripsit, similiter testes et canonici alii.

Numéro CBMA : 3 évêque Berardus (1096-1124)

Mâcon, AD Saône-et-Loire, G 198, Cartulaire de la cathédrale Saint-Vincent de Mâcon (Livre à la chaîne) (cartulaire)