Jacques de Lorraine évêque de Metz pour Metz (abbaye de Saint-Arnoul)

<<</>>>

Numéro04686

Genrecharte

Date (précise)03/03/1252

Authenticiténon suspecté

Languefrançais

Diocèse Metz



Auteur

Jacques de Lorraine évêque de Metz

Bénéficiaire

Metz (abbaye de Saint-Arnoul)

Texte

Conue chose soit à touz cels ki ces lettres vairont et oront ke li sire Thieris de Morehanges, li filz lou signor Estevenon ki fut, at acquitei plainement et en bone foi à la chiese Deu de Saint Arnout de Mesz tou lou bestans k’il clamevet en la menandie ke Sains Arnous à Thil et ou porpris dela menandie, et en crovvées, et en chans, et en presz ; c’est à savoir k’il disoit k’il i devoit panre ses geistes et lou fuerre et l’avoine et les viandes et l’erche en prez, et disoit ke bien en estoit tenans. Et cest acquitement at il fait en teil maniere k’il ne sei oir, ne autres por ous, n’i puent jamis niant panre ; ains conoist bien k’il at ne droit ne tenor. Après est à savoir le en tote la voerie de Thil, nen en tout ceu k’il appant, ne doit mais li sires Thieris ne sei oir, nen autres par ous, mettre main à cors d’omme Saint Arnout por panre se per jugement non ou por foruxorement ; mais koi k’il prengne do lour ne sus lor heritage, li abbes ne li covans de Saint Arnout n’i puient niant reclamer ne contredire fors ke lor droiture. Et s’aucuns de ceste voerie vuet aler menoir aillors desous Saint Arnout, il lou puet bien faire ; mais s’il voloit aler menoir aillors ke en la terre Saint Arnout, li maires Saint Arnout lou doit tenir quoi por demorer a leu et panre la seurtei, fust por alée ou por foruxorement. Et se li seurteis enchéoit, li abbes en avant la moitiet et li sire Thieris l’autre. Et sus tous celz ki iroient menoir fuer de ceste voerie, où ke ce fust, panroit li abbes sa droiture sus lor heritage ki i demorroit, et li sire Thieris panroit autretant sus com il feroit se li hom demoroit au leu. Et ceste voerie at li sire Thieris repris de l’abbei de Saint Armout en fied et en homage ; et après son décès la doient adès sei oir repanre de l’abbei de Saint Arnout en fied et en homage. Et por ceu ke se soit ferme chose et estable, en tesmoignage de veritei sont ces lettres saielées dou saiel l’eveske Jaike de Mesz et dou saiel lou conte Hanri de Saumes, ki furent faites XV jors après les Bures, en l’an ke li miliaires corroit per M. et CC et LII ans.

Notes

Voir notice n° L00512

Bibliographie

Natalis de WAILLY, Notice sur les actes en langue vulgaire du XIIIe siècle contenus dans la Collection de Lorraine, à la Bibliothèque, Paris, 1878,page 42,n°38

Source de l'édition

Paris, BNF, collection de Lorraine

Comment citer cette notice

Acte n°254482 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte254482/. Date de mise à jour : 22/08/13. Première version : 10 juin 2010.