Étienne de Sarrebruck, prévôt de la collégiale de Neuhausen, vend à Jacques de Lorraine, évêque de Metz, moyennant 333 livres 6 sols 8 deniers messins, la vouerie de Condé-sur-Moselle et de Faulx.

Ego Stephanus, frater quondam bone memorie domini Simonis, comitis Sarepontis, prepositus ecclesie collegiate Nove Domus, omnibus presentes litteras inspecturis notum facio quod ego venerabili patri domino Jacobo, Dei gratia episcopo Metensi, quintam partem ex meo michi provenientem patrimoniali allodio, quam habebam apud Bredes, in salina, in piscaria, in censibus, in justicia et districtu, et in appendiciis omnium predictorum, et domum quam habebam ibidem in qua sal fieri faciebam, et omnia que ibi habebam, in omni usu statu integro vendidi sibi, et successoribus suis, ab ipsis in perpetuum possidenda pro trecentis libris metensis monete, de quibus plenam solutionem recepi in pecunia numerata. In cujus rei testimonium et robur viri religiosi.. abbas Primiensis, Treverensis diocesis, et frater Simon, gardianus fratrum Minorum Metensium, qui huic contractui affuerunt, ad peticionem meam cum sigillo meo sigilla sua presentibus appenderunt. Actum Meti, in capitulo fratrum Minorum, anno Domini millesimo CC° quinquagesimo tercio, feria secunda post festum beati Martini hyemalis. [v°]

Jean Rodé

Paris, BNF, lat. 10021 (cartulaire)