Donatio bonorum, in territorio Corsegolis, Buzidonis, Besalduni et Alagaudae, a Bertranno Engilranno monasterio Lirinensi facta. Bertrannus Engilrannus de Coursegoules donne au monastère de Lérins ce qu'il possède en argent, fiefs, champs, terres cultivées et incultes, dans le territoire de Coursegoules, Bouyon, Bezaudun et La Gaude.

Donum Bertranni Engilranni. /fol. 137v°/ Auctoritas jubet ecclesiastica et lex precipit romana ut quicumque rem suam alicui donare voluerit, pagina testamenti corroboret. Unde ego Bertrannus Engilrannus de Corsegolas, mole peccatorum, meorum perterritus, ut Dei misericordiam adquirere valeam, consilio amicorum meorum, dono Domino Deo et beatissime virginis Marie sanctoque Honorato, in manu Bosonis abbatis, et monachis Lyrinensibus tam presentibus quam futuris corpus et animam meam et homines meos cum omnibus pertinentiis, et omne quod habere visus sum ac deinceps adquirere potuero, tam in rebus quam in pecuniis et in honore et in campis et in terris cultis et incultis, in territorio de Corsegolas et in Buzido, et in Besaldu, et in Alagaudam, et in aliquo quolibet loco, sine ali [corrigé dans l'édition : aliqua] contradictione et aliquo retinaculo ; et ulla aliqua persona non valeat recindere aut inrumpere hanc donationem, sed firma permaneat. Testes : Guillelmus de Todo, Guillelmus Astafortis ; Willelmus Lambertus testis ; Petrus de Sarano ; Columbus presbiter ; Johannes et Ismido monachi ; Petrus Jaucerannus, et Jaucerannus, et Isnardus. Facta est hec donatio XII kalendas septembris, anno ab incarnacione Domini nostri Jhesu Christi M°C°LV, indictione XIIa, luna XXa, concurrens V, epacta XVa [ajout marginal].

Nice, AD Alpes-Maritimes, H0010, cartulaire 2 de l'abbaye Saint-Honorat de Lérins, fol. 137r° (cartulaire)