ADALAIS DE SABRANO RT FILII EJUS DEDERUNT MIL. TIRUS TEMPLI QUANDAM MAGNAM CONDAMINAM IN TERRITORIO DE BREMPTO. Adalaïs, veuve de Guillaume de Sabran, et ses fils, donnent au Temple une condamine importante dans le territoire de Brente.

In Dei Omnipotentis nomine, universis hec audientibus pateat; quod ego, Adalaicia de Sabrano, et nos qui sumus ejus liberi, Emeno, et Rostagnus de Sabrano, Wilelmus, Raimundus, atque Petrus, archidiachonus, nos omnes bona fide et bona voluntate, pro salute animę Wilelmi de Sabrano, patris nostri, et pro remissione omnium peccatorum nostrorum, donamus et offerimus in perpetuum pro alodio franc, Domino Deo Ihesu Christo, et Beatę Marię, et milicię Iherosolimitanę Templi Salomonis, et fratribus ibidem Deo servientibus presentibus et futuris, in manibus de te, Arnaldo de Bedoz, supradictę milicię fratris et bajuli, quandam, partem non minimam nostri territorii de Bremto, ita scilicet quemadmodum ego, psa Adalaicia hanc eandem terram mostravi et terminavi tibi, Armaldo de Bedocio, multis videntibus et audientibus. Concluditur autem et terminatur hec terra; ab oriente, a via que vadit de Avisano ad eccelsiam Sancte Marie de Richarenchas; et ab ipsa via determinant eam cruces supreposite, usque in terminum de Petra Bruna, que ibi est inflxa, et dividit hoc territorium ab alio. Similiter vero clauditur et terminatur de via que movet de Valriaz, et vadit ad Balmas, usque in crecibus. Supradictam totam terram, et ab integro, damus et offerimus Deo Omnipotenti, et Beate Marie, et jam dictis Christi militibus, ita videlicet ut ab hodierno die et tempore in perpetuum ipsam habeant, et jure perpetuo possideant, et quicquid inde facere voluerint ipsi, vel eorum bajuli, in Dei nomine liberam et plenissimam habeant potestatem. Facta donacione et tradicione ista anno ab Incarnatione Domini, M°.C°.XXX°.VIII°. Testes hujus donacionis sunt isti: Petrus Ugo de Avisano; Bertrandus Dodo; Ugo de Bolbotono; Geraldus Adalgarius; Rostagnus Ariencs; Poncius de Pugnadoreza; Falco de Sancto Gervasio; et plures alii. Ab Adalaicia predicta domina mandatus, per se suisque flliis omnibus, Petrus scripsit. Interfuerunt eciam huic donacioni: Geraldus de Montepetroso; Wilelmus Satomon; Umbertus de Saudeto; Rostagnus, presbiter; fratres milicie Templi omnes; atque Geraldus de Balmas adfuit.

Avignon, BM, 2488 — Avignon, AD Vaucluse, H Ordre de Malte, commanderie de Richerenches et Valréas 1 (cartulaire)