Anselme, archevêque de Patras, avait donné pour son salut à Thomas, cellérier, et à Jean de Moras, moine, de l'abbaye d'Hautecombe, 300 marcs d'argent, quarante-sept marcs d'or, 300 perperi et 16 marcs d'argent déposés dans l'abbaye. L'archevêque précise que ces sommes devront être utilisées dans les deux ans, afin d'acheter des biens pour l'abbaye. Le prélat accorde, à condition que la créance soit soldée, encore 1098 perperi, somme due par l'abbaye de Saint-Ange.

Notum sit omnibus quod Ego Anselmus Dei gratia Patracensis Archiepiscopus mea spontanea voluntate et pura liberalitate pro remedio animæ meæ renuntiando omni legum adjutorio dono in puram et perpetuam helemosinam ex pura donatione inter vivos fratri Thomæ cellario et fratri Johanni de Moras monachis Altecombæ nomine ejusdem monasterii CCC marchas argenti et quadraginta et septem marchas auri et CCC yperpera et XVI marchas argenti quæ omnia habeo in Domo Altecumbæ pro emendis infra duos annos possessionibus ad opus dicti monasterii. Dono etiam modo supra dicto eidem monasterio mille et centum yperpera duo minus quæ michi debet Domus sancti Angeli, excepto quod inde solvantur debita mea quæ debeo in terra illa, de qua pecunia ego constituo me possessorem nomine monasterii Altecumbæ dando licentiam et auctoritatem eisdem monachis ut ipsi vel abbas vel conventus dicti monasterii ingrediantur corporalem possessionem predictæ pecuniæ nomine monasterii sua propria auctoritate quandocumque voluerint: et abbas et conventus habeant prædictam pecuniam jure dominii ipsi monasterio acquisitam et emant inde possessiones ut superius dictum est absque mea, et meorum successorum contradictione et hanc donationem volo firmam et ratam de cetero in perpetuum haberi sine omni immutatione non obstante aliquo testamento vel codicillo vel qualibet alia scriptura vel dispositione si quam ego prius fecerim. Ut autem hæc donatio perpetuam habeat firmitatem, præsentem cartam duplici sigillo meo munivi. Hujus rei testes Robertus prior, Thomas cellarius, Aymo de Yanna, Johannes et Moras monachi Altecumbæ, Martinus sacerdos et capellanus ecclesiæ Patacensis: Actum Patras in camera Archiepiscopi in qua ipse jacebat. Anno Domini millesimo CC.XXXI. iii. nonas martii.

Laurent Ripart

Bibliothèque Costa, Savoie (copie XVIIe s.)