Sylvanès, apud monasterium. Bail à acapte consenti par Gaillard, abbé de Sylvanès.

Noverint universi presentes pariter et futuri quod anno ab incarnacione Domini M°CC°LX°VI°, regnante rege Lodoyco, nos frater Guaillardus, dictus abbas monasterii Salvaniensis, ordinis Cirsterciensis, consilio et voluntate tocius conventus predicti monasterii, per nos et per omnes nostros presentes et futuros successores, bona fide et sine dolo, cum hoc publico instrumento in perpetuum firmiter valituro donamus, tradimus, laudamus, concedimus titulo pure et perfecte donacionis in guaddannum sive ad acapitum tibi P. Pauc Lodove et P. Guers et W. Arnaldi domicelli, vobis tribus et vestris et aliis omnibus parcionariis vestris presentibus et futuris, videlicet quamdam balmam in pertinenciis de Senomes cum omni jure suo et pertinenciis suis ; dantes et concedentes plenariam potestatem et liberam licenciam faciendi et ducendi dictam balmam cum balmis et retro balmis, cum tot occulis et ante occulis quot volueritis, et cum poncherio et poncheriis similiter quot volueritis, et poncherius seu poncherii et balma seu balme et occuli habeant ex utraque parte XXX cannas alarum vel ex parte una si volueritis LX, et hoc facimus cum aquis et lignis et nemoribus ad fustandum in balmis et in crosis et occulis et cum nauqiis et nauquarilis et undis et plateis et sotis et bassotis et omnibus artificiis minario seu minariis pertinentibus omnibus bonis moribus Villemagne ; promitentes etiam vobis et vestris quod omnia supradicta faciemus vobis predictis et vestris et parcionariis vestris habere et tenere et in pace perpetuo possidere [...]. Sciendum est tamen quod vos predicti et parcionarii vestri dabitis et debetis reddere nobis et dicto monasterio XVII partem de omnibus minis et de terris minosis inde exeuntibus in platea divisam. Et nos frater D. de Agrinedis, prior dicti monasterii, et Johannes, subprior, et frater D. Pontii, infirmarius, et fra[ter] R. Johannis et frater W. de Ponte et frater W. Singularis et frater B. Roget et frater B. del Truoil et frater Ugo, nos omnes predicti monachi prefati monasterii per nos et per dictum conventum monasterii supradicti et per omnes successores nostros omnia supradicta laudamus, aprobamus et confirmamus. Et scimus et in veritate profitemur et recognoscimus nos habuisse et recepisse a vobis predictis P. Pauc et P. Guers et Willermi Arnaldi II solidos Melgorienses [...]. Actum fuit hoc apud dictum monasterium anno quo supra, VII kalendas novembris. Hujus rei testes sunt vocati : W. Bernardi, W. d’Albejes, Bonetus de Roilla, W. Raza, Poncius Ricos, et ego Poncius Grasseti, notarius publicus castri de Brusca, rogatus a predictis, hanc cartam scripsi et signum meum aposui.

Rodez, AD Aveyron, H(006) 001, cartulaire de l’abbaye de Sylvanès (cartulaire)