Montagnol, in ecclesia. Donation de la quatrième partie de la justice du bois de Monnier par Guilhem Montagnol et sa femme.

Anno Domini M°CC°LVI°, quarto kalendas februarii, notum sit cunctis presentibus pariter et futuris quod nos Guillelmus Montanhol, miles, et Mairanda, ejus uxor, nulla fraude seu machinatione inducti [...] damus et concedimus, solvimus, tradimus seu quasi titulo pure et irrevocabilis donationis que inter vivos nuncupatur, vobis domino Gaillardo, Dei gratia abbati Salvaniensi, petenti pro vobis et conventu ejusdem et vestris successoribus dictum monasterium regentibus, videlicet quartam pro indiviso partem jurisdictionis nemoris appellati de Monnier, cum omnibus juribus et pertinentiis suis [...]. Et hoc fecimus amore Dei et in remissione animarum nostrarum et parentum nostrorum et quia multa servitia nobis exibuistis tempore opportuno [...]. Hec omnia predicta et singula [...] juramus tactis sacrosanctis evangeliis [...]. Dictum vero nemus confrontatur ex una parte cum manso de Fraisenes et ex alia cum Plano Meja et cum rivo Caboti et venit usque in honorem monasterii Salvaniensis. Actum in ecclesia de Montaigliol. Testes fuerunt rogati : Guillelmus de Seveiraco, miles, Guillelmus de Fonte, prior de Ripa, Bermundus de Montaigliol, frater D. d’Agrinedis, Pontius de Cardones, prior Sancti Andree, et ego P. Angelrici notarius qui hoc scripsi et signavi.

Rodez, AD Aveyron, H(006) 001, cartulaire de l’abbaye de Sylvanès (cartulaire)