Raymond Roque de Fouzilhon, son fils Guilhem pour Sylvanès (abbaye de)
NuméroT04682
Genrecharte
Date (précise)10/1218
Authenticiténon suspecté
Languelatin
Diocèse Rodez
Auteur
Raymond Roque de Fouzilhon, son fils Guilhem
Bénéficiaire
Sylvanès (abbaye de)
Regeste
In foribus ecclesie Sancti Xristofori. Raymond Roque de Fouzilhon et son fils donnent tout le droit qu’ils ont sur le mas de Sauveplane.
Texte
Anno a Xristi nativitate M°CC°XVIII°, regnante rege Philippo, mense octobris, ego Ramundus Roca de Fozilo et ego Guillermus, filius ejus, bona fide et sine inganno et fraude, per nos et per omnes nostros presentes et futuros, cum hac presenti carta in perpetuum firmiter valitura et cum titulo perfecte venditionis, donationis, vendimus, damus, laudamus, solvimus, deservimus Domino Deo et Sancte Marie de Selvanesc et tibi Petro Pelliparii et domno abbati et toto conventui ejusdem monasterii, quidquid juris habebamus vel habere debebamus in manso de Silvaplana et in ejus terminio, scilicet in vineis, in ortis, arboribus, fructibus, in ermis, in condrictis, cultis vel incultis et in omnibus aliis rebus, et adhuc damus vobis quidquid rationis, juris, peticionis, accionis, defensionis et omnino quidquid aliud juris habemus vel habere debemus ubicumque et adversus quamcumque personam jure vel lege seu consuetudine vel alio aliquo modo, et profitemur et recogno[s]cimus propter hanc vendicionem, donationem, guirpicionem habuis[s]e a te predicto Petro Pelliparii LX solidos Melgorienses de quibus nichil apud vos remansit in debito, in quibus renuntiamus omni exceptioni non numerate pecunie et etiam illi legi qua cavetur ultra dimidium justi precii deceptum posse recindere contractum et dicti precii suplementum renunciamus, et promittimus ego Ramundus Roca predictus et ego Guillermus, filius ejus, per firmam et validam stipulationem quod predictam venditionem, donationem dicto monasterio et confratribus ibi comorantibus fatiemus habere et tenere et bonam semper et firmam stare et etiam legales guirentes ac deffensores erimus, et etiam tenemur de eviccione et contra predicta vel eorum singula numcam veniemus nec veniri consensciemus ullo jure scripto vel non scripto, divino vel [h]umano, speciali vel generali vel alio aliquo modo qui dici possit vel excogitari et his omnibus ex certa sciencia renuntiamus, promitentes quod non fecimus vel fatiemus nec fieri vel dici co[n]senciemus quominus hec predicta vel aliquid horum firma permaneant et sic ambo corporaliter super hec sancta IIIIor Dei euvangelia juramus. Actum est hoc in foribus ecclesie Sancti Xristofori. Hujus rei sunt testes : Petrus Seiseti, Deodatus Doat, Bernardus Fabri, Raimundus Cellararii, Raimundus Blacheria. De sacramento Guillermi sunt testes : Petrus Cacalain, Raimundus Cellarari, Petrus de Manso, Petrus Gervasii. In fide omnium predictorum Bernardus […], notarius Fel[gueriarum], hec scripsit.
Bibliographie
VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°507, p.441-442
Source de l'édition
Rodez, AD Aveyron, H(006) 001, cartulaire de l’abbaye de Sylvanès (cartulaire)
Comment citer cette notice
Acte n°219323 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte219323/. Date de mise à jour : 16/09/11. Première version : 10 juin 2010.