Apud Caucem. Lettres par lesquelles Simon, comte de Leycestre, seigneur de Montfort et vicomte de Béziers et de Carcassonne, prend sous sa sauvegarde l’abbaye de Sylvanès avec ses biens, l’exempte de tout droit de leude et de péage et lui accorde l’usage gratuit de ses pâturages et de ses eaux.

Simon, comes Leicestrie, dominus Montisfortis, Dei providentia Bitterris et Carcassone vicecomes, universis presentes litteras inspecturis salutem in Domino. Universitati vestre notum facimus quod nos dominum abbatem universumque conventum Salvaniensem et omnes res et possessiones eorum recipimus per totam terram et potestatem nostram in nostra custodia et protectione, inhibentes omnibus hominibus ne presumant ipsis vel rebus et possessionibus eorum inferre injurias vel gravamen, quia nos illud non relinquerimus impunitum. Concedimus etiam predicto abbati et conventui quod de omnibus rebus ad usum proprium pertinentibus vendendo vel emendo ab omni leuda et pedagio sint liberi et immunes per totam terram nostram. Concedimus etiam eis quod per totam terram nostram habeant libere et absque ulla mercede pasturalia et aquas ad usum animalium suorum, nec voluimus quod ab eis propter hoc aliquod precium exigatur. Quod ut ratum sit, presentes litteras sigilli nostri munimine confirmamus. Datum apud Caucem, anno M°CC°XIII°, feria Va ante quadragesimam.

Rodez, AD Aveyron, H(006) 001, cartulaire de l’abbaye de Sylvanès (cartulaire)