Pierre de Caylus, sa femme Arnaude pour Sylvanès (abbaye de)
NuméroT04675
Genrecharte
Date (précise)29/12/1192
Authenticiténon suspecté
Languelatin
Diocèse Rodez
Auteur
Pierre de Caylus, sa femme Arnaude
Bénéficiaire
Sylvanès (abbaye de)
Regeste
Pont de Camarès, in ecclesia ipsius castri. Donation de droits sur des biens situés dans la paroisse de Sarrus par Pierre de Caylus et sa femme.
Texte
In nomine Domini. Anno incarnationis Ejusdem M°C°LXXXXII°, notum sit omnibus hominibus hanc cartam audientibus quod ego Petrus de Castlucio et ego Arnalda, uxor ejus, nos ambo insimul pari animo, per nos et per omnes nostros, bona fide et absque omni fraude, remota penitus omni occasione alicujus rei parve vel magne, pro amore Dei et remissione peccatorum nostrorum et pro anima patris nostri Aimerici, donamus, laudamus, vendimus atque in perpetuum dimittimus Domino Deo et monasterio Beate Marie de Salvanesc et tibi Berengerio, abbati, et omnibus ejusdem loci fratribus presentibus et futuris, totum hoc quod habemus et habere debemus vel visi sumus habere juste vel injuste in toto honore quem adquisistis de Bernardo de Vite in tota parrochia Sancte Crucis de Serrutio, et totum hoc quod adquisistis de Lactonio et infantibus suis. Scimus et recognoscimus omnes honores et adquisitiones, quas in tota predicta parrochia modo habetis vel tenetis atque possidetis, vobis de nobis bene esse adquisitas, et omnes cartas quas de ipsis donis habetis, firmas, ratas et illibatas esse asserimus et modo in presenti eas vobis laudamus et confirmamus ; et promittimus et convenimus vobis per stipulationem quod contra omnia predicta non veniemus nec venire temptabimus neque aliqua prorsus persona nostro consilio vel ingenio, sed de omnibus predictis nos et nostros exuimus et alienamus, et vos et vestrum monasterium fideliter investimus ad melius quam dici, scribi vel intelligi ad utilitatem jam dicti monasterii, potest ; et hoc totum, nostris propriis manibus tactis corporaliter sacrosanctis evangeliis, nos observabimus et adversus contra numquam venturos juramus. Et propter hoc vos dedistis nobis de caritate XL solidos Melgorienses, ex quibus apud vos nichil in debito remansit. Factum est hoc apud Pontem, in ecclesia ipsius castri, in die sancti Thome martiris, regnante rege Philippo, in presentia Guillelmi Bernardi, Rainonis de Ponte, Raimundi Jorii, Raimundi Jordani, Bernardi de Melet, Petri de Montealegre, Ugonis de Granoleira, Guillelmi Fornerii et fratris Petri Andree, qui hanc cartam scripsit.
Bibliographie
VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°500, p.434-435
Source de l'édition
Rodez, AD Aveyron, H(006) 001, cartulaire de l’abbaye de Sylvanès (cartulaire)
Comment citer cette notice
Acte n°219316 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte219316/. Date de mise à jour : 16/09/11. Première version : 10 juin 2010.