Donation de dîme et de la moitié d’une appendarie par Ricard de Montpaon et sa femme.

In nomine Domini. Anno incarnationis Ejusdem M°C°LXXXI° ego Ricardus de Montepavone et ego Ricardis, uxor ejus, nos ambo insimul bona fide, sine inganno et absque ulla retentione, pro amore Dei et remissione peccatorum nostrorum, donamus et laudamus et cum hac presenti carta tradimus Domino Deo et monasterio Beate Marie de Salvanesc, videlicet totam partem nostram alodii totius decimationis totius parrochie de Senomes et territorii de Pardinegas quam ibi habemus et habere debemus ; et damus etiam vobis in territorio de Seians nostram partem totam totius appendarie quam habemus simul cum Bertrando de Avena, id est medietatem ; et promittimus vobis et convenimus quod non veniemus contra hanc donationem neque homo vel femina nostro consilio vel ingenio, sed firmam et stabilem faciemus eam vobis habere et tenere in pace et hoc juramus, tactis sacrosanctis evangeliis. Et [propter] hoc et propter amorem Dei et mei vos recepistis Ademarum qui fuit filius Guillelmi de Petra. Et sciendum est quod Sicardus Rengueta et nepotes ejus tenent de me predictam decimationem de Senomes et de Pardinegas, et totum hoc dono et laudo predicto monasterio et omni conventui ejusdem loci et futuro de presenti. Testes hujus rei sunt : R. Porcelli, P. de Cantalops, Ugo Vernizatus, Berengarius Vierna, P. et R., frater ejus, et Raimundus Torcelli. Guillermus scripsit.

Rodez, AD Aveyron, H(006) 001, cartulaire de l’abbaye de Sylvanès (cartulaire)