Donation de serventatgue par Bernard Ricard, sa femme et son fils.

In nomine Domini. Anno incarnationis Ejusdem M°C°LXXVII°, ego Bernardus Ricardi et ego Stephana, uxor ejus, et ego Guillelmus, filius amborum, nos omnes insimul per nos et per omne genus nostrum, bona fide et sine inganno, pro amore Dei et remissione peccatorum nostrorum, donamus et laudamus et titulo donationis tradimus Deo et monasterio Beate Marie de Salvanesc et tibi Raimundo, abbati, omnique ejusdem loci conventui presenti et futuro totum serventatgue, quod habemus in manso de Cabriaco ; et promittimus vobis et convenimus quod non veniemus contra hanc donationem nostram neque homo vel femina nostro consilio vel ingenio, sed firmam et stabilem faciemus eam vobis habere et tenere in pace. Et vos dedistis nobis de caritate quatuor pesas lane ; et nos juravimus vobis super sancta evangelia predictam donationem. Testes hujus rei sunt : P. Ricardi, B. de Fontebono, Stephanus Bertran, P. Helias, P. de Campo Revel, Ugo de Roqueta, B. Gatnac, Deodatus Luatgue, G. Gadana, P. Porta.

Rodez, AD Aveyron, H(006) 001, cartulaire de l’abbaye de Sylvanès (cartulaire)