Donation de droits de pâturage par Raymond de Mauzac, ses frères et sa mère.

Anno Dominice incarnationis M°C°LIIII°, ego Ramundus de Mauzac et ego Guiraldus et ego Bertrandus et ego Deodatus et ego Arnaldus, nos omnes fratres, simul cum matre nostra Vidiana, bona fide et sine inganno, donamus et laudamus et titulo donationis cum hac carta tradimus monasterio Beate Marie de Salvanesc et tibi Guiraldo, abbati, cunctisque ejusdem loci fratribus, pascua ad alenda animalia vestra cujuscumque generis sint in pascuis que habemus et habere debemus in tota parrochia de Serrus usque ad flumen Dordon et in pascuis que habemus et habere debemus in Camares de Roste et de Volte in ultra et de Podiocalvo et de Ponte in ultra ; et solvimus et dimittimus vobis omnes clamationes, querimonias quas de vobis vel de vestris faciebamus. Pro hac donatione et laudatione dedistis nobis CXXX solidos Melgorienses tali scilicet pacto ut quandocumque hoc fecerimus ut reddamus CXXX solidos predicte monete, debent pascua nostra nobis manere in tali tenore et clamatione in quali modo sunt. Et ego Vidiana predicta cum consilio et laudatione infantum meorum dono et laudo vobis fratribus Salvaniensibus honorem quem habeo apud Faietum, ut habeatis et possideatis illum honorem si infantes mei vel et aliquis illorum vel aliqua persona abstulerit vel amparaverit vobis per nos in aliquo in supradictis pascuis, donec et restituat vobis illud quod fuerit ablatum vel amparatum. Testes hujus rei sunt : Guiraldus Seinorel, Guillelmus de Ludenzon et Bertrandus, frater ejus, Guillelmus de Avidatz et Deodatus Cortuesinzs, Petrus de Podio, monachus, et Poncius qui scripsit hanc cartam.

Rodez, AD Aveyron, H(006) 001, cartulaire de l’abbaye de Sylvanès (cartulaire)