Latran. Bulle d’Honorius III permettant aux abbés de l’ordre de Cîteaux de recevoir dans leurs monastères les personnes du siècle, nonobstant toute opposition des curés.

Honorius episcopus, servus servorum Dei, dilectis filiis abbati Cisterciensi et universis coabbatibus ejus et fratribus sub eodem ordine Deo servientibus salutem et apostolicam benedictionem. Constituti juxta verbum Prophete licet insufficientibus meritis super gentes et regna, officii nostri debitum decenter exequimur cum evellimus evellenda et plantada plantamus, recta regimus et dirigimus in directa. Significastis siquidem Nobis quod in quibusdam partibus consuetudo detestabilis inolevit, videlicet quod cum aliqui emulantes karismata meliora monasteria vestri ordinis volunt causa religionis intrare ut ibi Domino famulentur, capellani eorum donec ab ipsis peccuniam, que m[ortua]rium nuncupatur, extorqueant prout a parrochianis suis decedentibus consueverunt accipere, illis temere se opponunt, quare super hoc Nostre providentie remedium flagitastis. Volentes igitur abusum corruptale hujusmodi aboleri auctoritate vobis presentium indulgemus ut, capellanorum contradictione hujusmodi nonobstante, liberas personas ad vos e seculo fugientes libere recipere valeatis. Nulli ergo etc. Datum Laterani, nonas Januarii, Pontificatus nostri anno tercio.

Rodez, AD Aveyron, H(006) 001, cartulaire de l’abbaye de Sylvanès (cartulaire)