Étienne Paganus, avec l’accord de sa femme Jeanne, vend à Arnaud de Castannio, 4 livres et 9 escac de terre que Vital, prieur de Saint-Antoine, lui concède à titre de fief, aux conditions habituelles.

Notum sit quod Stephanus Paganus vendidit et vendendo absolvit Arnaldo de Castannio et ejus ordinio .IIIIor. libras et .IX. escacos terre cum introitu et exitu, que est inter honorem Poncii de Nemore, asterii, et ejus fratrum et inter terram Raimundi Loricarii et inter malolem ipsius Arnaldi de Castannio et carrariam puplicam ; et predictus venditor debet et convenit inde facere bonam et firmam guirentiam predicto emptori et ejus ordinio de omnibus amparatoribus excepta parte dominationis ; hoc fuit factum consilio et voluntate domine Johanne, uxoris predictis Stephani Pagani, que hoc totum laudavit et concessit et ita fieri voluit ; et si predicta domina Johanna aliquod jus vel aliquam rationem habebat vel habere debebat in predicto honore vendito, nomine dotis vel doni vel conventionis vel ullo alio modo, illud totum quicquid esset dedit et solvit et dimisit prefato Arnaldo de Castannio et ejus ordinio pro omni sua voluntate et ejus ordinii inde facienda sine omni retentione quam ibi nullo modo fecit ; immo debet et convenit predicta domina Johanna inde esse guirens jamdicto Arnaldo de Castannio et ejus ordinio de omnibus amparatoribus ex suis partibus ; item hec venditio fuit facta consilio dompni Vitalis, prioris ecclesie Sancti Antonii extra portam Narbonensis, qui est dominus predicti honoris cui predictus venditor solvit et reddidit feodum ideo ut daret predicto emptori et ejus ordinio ; tunc dompnus Vitalis, prior predictus, recuperato feodo a predicto venditore laudavit et dedit ad feodum predicto Arnaldo de Castannio et ejus ordinio predictas .IIIIor. libras et .IX. escacos terre cum introitu et exitu sicut melius inter predictas adjacentias includitur ; tali pacto laudavit et dedit ei hoc feodum ut in unoquoque anno, in festo Omnium sanctorum, reddat inde ei et ejus successoribus .I. obolum et .I. malgoresan tol. oblias et retroacapte .I. obolum et .I. malgoresan quando evenerit ; si clamorem habet dompnus de eo pro hoc feodo fidancias inde habeat et .IIIIor. d. justiciam si juste feodotarius inculpatur ; et predictus feodotarius nec ejus ordinium non debet predictum honorem dare ad feodum nec ullo alio modo a se alienare pro quo dompnus possit perdere suos pax nec aliquam suam dominationem, set si illum vendere vel inpignorare voluerit faciat consilio dompni et reddat inde ei de uno quoque solido vende .I. d. et de quoque solido pignoris .I. obolam ; insuper dompnus Vitalis, prior predictus, debet et convenit pro se et pro suis successoribus guirire totum predictum feodum predicto feodotario et ejus ordinio de omnibus amparatoribus ex parte dominationis. Hoc fuit factum .IX°. die introitus mensis madii, feria .Ia., Lodovico rege Francorum regnante et Raimundo Tholosano comite et Raimundo episcopo, anno ab Incarnatione Domini .M°.CC°.XXX°.II°. Hujus rei, excepto laudamento dompni, sunt testes : Arnaldus de Fanis et Raimundus Loricarius et Petrus de Pegulano et Galterius de la Pena ; de laudamento vero dompni prioris predicti sunt testes : predicti Arnaldus de Fanis et Raimundus Loricarius et Aimericus de Mirabello et Raimundus de Rivis ; et Petrus Umbertus ad hec omnia presens astitit qui est de toto testis et cartam istam scripsit.

Paris, BNF, lat. 9189, cartulaire 2 de l’abbaye Saint-Pierre de Lézat (cartulaire)