Lézat. Étienne de Noguers, fils de Guilhem de Lescure et de Bigourdane, reconnaît devant Pierre de Dalbs que lui-même, Guilhem, son frère et Bernarde, sa sœur, tiennent du monastère de Lézat deux casals situés à Canens, le premier dit de Fonte de Vilar, le second de Fabro, pour lesquels ils sont les hommes de l’abbé et doivent une redevance annuelle de 12 deniers toulousains ; ils tiennent pareillement le tiers du casal del Bosc pour lequel ils doivent annuellement 3 sous toulousains ; Étienne reconnaît, en outre, que Pierre de Canens tenait également du monastère le casal qui porte son nom.

DE EODEM ET DE FONTE DE VILAR, DE FABRO, DE BOSCO, ET PETRI DE CANENCS CASALIBUS [N]otum sit cunctis quod Stephanus de Noguers, filius Guillelmi de Laescura et Bigordane, uxoris ejus, recognovit et concessit pro se et fratre suo, Guillelmo, et sorore sua, Bernarda, domino Petro de Dalbs abbati Lesati, quod ipsi tenent ab eo et monasterio Lesatensi illos duos casales qui sunt apud Canencs quorum unus dicitur casalis de Fonte de Vilar, et tenet cum terra et nemore suo de via que ducit a Canencs, versus Lesatum, usque ad terram quam domina Alamanda tenet, et de garriga de Canencs usque ad fontem ulmi et usque a Lalinde que est super fontem predictam ; alter vero dicitur casalis de Fabro et tenet de puplica supradicta, ex una parte, usque ad honores de Canencs, ex ceteris tribus partibus ; pro quibus casalibus debent reddere singulis annis prefato domino abbate et successoribus ejus .XII. d. tol. in festo Omnium Sanctorum, et esse homines ejusdem abbatis et ejus successorum, et ibidem se fecit hominem ejusdem abbatis ; item recognovit et concessit quod iidem deberent tenere ab eodem abbate et monasterio Lesatense terciam partem casalis del Bosc, qui casalis tenet a rivo de Campanha, ex parte una, usque ad honores de Canencs, ex ceteris tribus partibus, et debent inde reddi singulis annis prefato abbati et successoribus ejus .III. sol. tol. in festo predicto ; insuper asseruit constanter et affirmavit quod Petrus de Canencs, qui fuit, tenebat et debebat tenere a monasterio Lesatense totum casalem suum qui adhuc dicitur casalis Petri de Canencs. Actum est hoc apud Lesatum, .XV. die introitus mensis julii, feria .IIIIa., anno ab Incarnatione Domini .M°.CC°.XL°.III°., regnante Lodovico rege Francorum, Raimundo Tholosano comite, Raimundo episcopo. Hujus rei sunt testes : Raimundus Barravi, Garsias Faber, Guillelmus de Bevila, Dominicus Dalit et Raimundus de Montealto, puplicus tabellio Salveterre de Sancto Eparcio, qui hanc cartam scripsit.

Paris, BNF, lat. 9189, cartulaire 2 de l’abbaye Saint-Pierre de Lézat (cartulaire)