CXXIII. De supradicta Riuualti donatione iterum agitur. Riuualt a donné aux moines qui habitent à Redon et suivent la règle de saint Benoît, le tigran de Botlouuernoc [Botlowernoc] (dans la commune d'Augan [56]), Rangleumin (en Augan [56]) et Coluuoretan [Colworetan] (en Augan [56]), avec ceux qui y demeurent: Budic et ses descendants, Lompeu et ses descendants, les fils de Rietan et ses descendants après eux, les fils de Heuhoiarn et ses descendants après eux. Fait devant l'église d'Augan (56).

MUNDI TERMINO adpropinquante, ruinis crebrescentibus, jam certa signa manifestantur; idcirco ego, in Dei nomine, Riuualt, considerans gravitudinem peccatorum meorum, et reminiscens bonitatem Dei dicentis, date elemosinam et omnia munda fiant vobis; si aliquid de rebus nostris locis sanctorum vel substantiae pauperum conferimus, hoc nobis, procul dubio, in aeterna beatitudine retribuere confidimus; ego quidem de tanta misericordia et pietate Domini confisus, per hanc epistolam donationis donatumque in perpetuum esse volo ad illos monachos in Rotono habitantes et regulam sancti Benedicti operantes, id est, ego, Riuualt, dedi eis monachis supradictis tegran Botlouuernoc et conuueran que vocatur Rangleumin et Coluuoretan, tantum quantum Uuincalon tenebat, cum manentibus his nominibus: Budic et semen ejus, Lompeu et semen ejus, et filios Rietan et semen eorum post se, et filios Heuhoiarn et semen eorum post eos; cum terris, pratis, pascuis, aquis aquarum (sic), mobilibus et inmobilibus, et cum omnibus apendiciis suis, ita trado atque transfundo terram supradictam et homines supradictos in elemosina pro anima mea et pro anima Deurhoiarn et pro regno Dei, ad supradictos monachos, sicut a me hodie videtur esse possessum, ita ut quicquid exinde pro utilitate monasterii facere voluerint, liberam ac firmissimam in omnibus habeant potestatem; et si fuerit, aut ego ipse, aut aliquis de parentibus meis, vel quelibet persona, qui contra hanc donationem et elemosinam aliqua (sic) calumniam generare presumpserit, .CC. solidos multum conponat, et illud quod repetit non vendicet, sed ista donatio, per omnia tempora, firma permaneat. Signum Riuualt, qui dedit et firmavit; signum, Deurhoiarn; X. Drihlouuen; X. Riuualt; X. Tanetuuiu; X. Matbidet; X. Euuon; X. Uuororon; X. Renhoian; X. Moruueten; X. Uolethec; X. Conmarch; X. Noduuoret; X. Iarnuualt; X. Noduinet, presbyter; X. Cennetlur; X. Budcomin. .X. Factum est hoc ante aecclesiam Alcam, in .IIII. feria, .IIII. idus decembris, in .I. anno imperii Hlotharii, gubernante Nominoe Brittanniam, Ermor episcopo, et Uuincalon et Rihouuen fuerunt missi ex Rotono hoc recepere (sic) ex manu Ritiualti cum manica.

Rennes, Archives de l'Archevêché, Cartulaire de Redon. Édition fac-simile: Cartulaire de l'abbaye Saint-Sauveur de Redon, Rennes 1998, fol. 79v-80. (cartulaire)