Étienne du Péage et Jean de Fricourt, chevaliers, reproduisent l’acte par lequel Robert [II], comte d’Artois, leur a confié le soin de partager, entre lui et Guy III de Châtillon, comte de Saint-Pol, la haute justice dans la châtellenie d’Aubigny[-en-Artois] et à Bucquoy, ainsi que de délimiter les châtellenies de Beaurain et d’Hesdin ; ils procèdent à ce partage pour la châtellenie d’Aubigny, en énumérant les fiefs et les arrière-fiefs sur lesquels chacun se verra reconnaître le droit de haute justice. Les deux comtes approuvent l’accord et apposent leurs sceaux.

[N]ous Estevenes dou Puage et Jehans de Friucourt, chevalier, faisons savoir a tous chiaus qui sont et a venir sont ke, comme nous avons recheu les lettres de nobles hommes nos chiers signeurs, c’est a savoir de Robert, conte d’Artoys, et de Guyon de Chasteillon, conte de Saint Pol, en paroles de latin si com eles sont chi apres devisees et escrites : Robertus, comes Attrebatensis, omnibus presentes litteras inspecturis salutem. Noveritis quod nos, propter dilectionis affectum quem ad carissimam matrem nostram Mathildim, comitissam Attrebatensis et Sancti Pauli, uxorem dilecti et fidelis nostri nobilis viri Guidonis de Chastellione, comitis Sancti Pauli, et ad ipsorum liberos, fratres nostros, gerimus, damus et concedimus ex gratia speciali, in augmentationem feodi quod tenet a nobis, prefato Guydoni et eius heredibus omnimodam altam iusticiam in medietate ville de Albigniaco et ortorum dicte ville, necnon et totam altam iusticiam in tota villa de Buscoy et ortis eiusdem ville, et totam altam iusticiam in medietate omnium feodorum et retrofeodorum villarum predictarum moventium de feodis dicti comitis – omnimoda alta iusticia in alia medietate dicte ville de Albigniaco et omnium feodorum et retrofeodorum predictorum, necnon et omnium feodorum et retrofeodorum totius alterius terre domini Drogonis de Ambianis, militis, penes nos et heredes nostros remanente. Nos autem et dictus comes Sancti Pauli elegimus duos probos viros, videlicet Stephanum dictum de Pedagio et Iohannem de Friuecort, milites, qui, per iuramentum suum, villam de Albigniaco et ortos eiusdem ville et omnia feoda et retrofeoda supradicta de dicto comite moventia fideliter et equaliter pro posse suo divident ac metas etiam ponent, ita quod unam medietatem feodorum predictorum et retrofeodorum ponent versus Attrebatum et alteram medietatem versus terram dicti comitis Sancti Pauli. Partitione vero huiusmodi sic facta, omnimoda alta iustitia in medietate feodorum et retrofeodorum de dicto comite moventium versus Attrebatum, assignata et metata, ac etiam in medietate ville de Albigniaco, nobis et heredibus nostris libere remanebit, omnimoda alta iustitia in altera parte penes dictum comitem et heredes suos remanente. Predicti autem duo milites divident similiter castellaniam de Bello Ramo a castellania de Hysdinio, et divisione facta, metas ponent, ita quod omnimoda iusticia in castellania Belli Rami sic divisa et metata et pertinentiis eiusdem penes dictum comitem et heredes ipsius similiter remanebit, excepta villa de Aubin et ortis dicte ville, in quibus villa et ortis nos et heredes nostri habebimus omnimodam iustitiam et omne maniamentum iusticie quod ibidem habuit dictus comes, et excepta villa que dicitur Tortefontaine et ortis eiusdem ville in quibus etiam omnem iusticiam habebimus. Si vero prefati duo probi viri non possent in divisione predictorum vel metarum positione concordare, ipsi discordiam et causam discordie ad nobilem virum senescallum Flandrie tanquam ad tercium a nobis et dicto comite electum reportarent. Et quicquid senescallus predictus cum altero duorum predictorum militum super premissis omnibus et singulis concordaret vel etiam ordinaret, illud a nobis et dicto comite inviolabiliter servaretur. Quicquid autem super dictis divisione et metarum positione a predictis viris factum fuerit, in scripturam sigillis ipsorum sigillitam redigeretur. Si vero aliqua feoda de castellania Belli Rami infra castellaniam de Hisdinio includantur, alta iusticia illorum feodorum ad nos integre pertinebit. Et si aliqua feoda castellanie de Hysdinio infra castellaniam Belli Rami includantur, alta iustitia illorum feodorum ad comitem Sancti Pauli penitus remanebit. In cuius rei testimonium, nos et dictus comes unanimiter et concorditer sigilla nostra presentibus litteris duximus apponenda. Actum apud Attrebatum, anno Domini millesimo ducentesimo septuagesimo primo, mense aprili. Nous, selonc le fourme des lettres devant dites et par le conseil de preudomes, avons partie et devisee le haute justice des fiés et des arriere fiés et des tenemens de le castelerie de Aubigni qui muevent du fief le conte de Saint Pol, dont il est hom le conte d’Artoys. Et chi apres, premierement, est devisee et determinee en quels fiés et en quels arriere fiés et en quels tenemens mouvans dou conte de Saint Pol li cuens d’Artoys a le haute justice, c’est a savoir a Bailluel, dont me sire Jehans de Bailluel est hom le conte de Saint Pol, et en toutes les tenanches qui descendent ou muevent ou sont del homage et dou fief que me sire Jehans de Bailluel tient de lui ; item, il a le haute justice a Habarc et en tous les fiés et les arriere fiés et les tenanches qui muevent, sont ou descendent del homage et dou fief que li sires de Habarc tient dou conte de Saint Pol, fors mis et exceptés les homages et les tenances des homages et des arriere fiés dont Symons d’Ambrine et Wios d’Ambrine sont home le signeur de Habarc, es quels fiés et es quels arrierefiés et es queles tenances le haute justice demeure au conte de Saint Pol ; item li cuens d’Artoys a le haute justice es fiés et es arrierefiés et es tenances qui muevent et descendent ou sont del homage et dou fief mon signeur Wautier d’Auberch, qu’il tient dou signeur de Hachicourt ; item, il a le haute justice es fiés et es arriere fiés ou es tenances d’Anés, dont me sire Flaiaus d’Anés est hom le conte de Saint Pol de par se feme ; item, il a le haute justice ou fief Ernoul dou Val, qu’il tient dou conte de Saint Pol ; item, il a le haute justice es fiés et es arrieres fiés et es tenances qui muevent et descendent et sont dou fief et del homage que Hues dou Fiermont tient dou conte de Saint Pol ; item, il a le haute justice es fiés et es arrierefiés et es tenances qui muevent et descendent du fief et del homage que me sire Jehans de Hamarvile tient a Hamarvile dou conte de Saint Pol ; item, il a le haute justice ou fief et arrierefiés et es tenances qui muevent et descendent et sont du fief et del homage que Bauduins de Leuval tient de Wiot de Noiele, qui en est hom du conte de Saint Pol ; item, il a le haute justice ou fief et es arriere fiés et es tenances que me sire Enghorans de Gouve tient de Wiot de Noiele, qui en est hom le conte de Saint Pol ; item, il a le haute justice ou fief et es arrierefiés et es tenances que Jehans Longhebars de Fevring tient a Aubigni du conte de Saint Pol ; item, il a le haute justice es fief et es arrierefiés et es tenances que Caupesewe tient de mon signeur Bauduin Cauderons, et Bauduin Cauderons le tient du signeur de Berlete, et li sires de Berlete du conte de Saint Pol ; item, il a le haute justice ou fief et es arrierefiés et es tenances que Wibers de Biaumont tient de mon signeur Gillon de Berlete ; item, il a le haute justice ou fief et es tenances dont Heuvins li Boutilliers est hom liges mon signeur Jehan de Squaves ; item, il a le haute justice ou fief et es arriere fiés et es tenances que Brakes tient dou conte de Saint Pol a Anés ; item, il a le haute justice en IX hostises que li abbés du Mont Saint Eloy a a Le Capele d’encosté Aubigni et en VIII hostises qu’il a au Més et en VI hostises qu’il a a Anier et en XXIIII hostises qu’il a a Vileroie, a Filescans et au Ploych ; item, il a le haute justice en XXVIII mencaudees de terre que li prieus d’Aubigni y a ; item, il a le haute justice ou fief et es arriere fiés et es tenances mon signeur Warin de Becourt qu’il tient dou conte de Saint Pol en le terre d’Aire, et li cuens de Saint Pol a en restor de ce fief et des arriere fiés et de ces tenances qui sont vers le terre d’Aire toute le haute justice en ses demaines quelconke part qu’il les tiegne dou conte d’Artoys ; item il a le haute justice ou fief ke li sires de Squaves tient dou conte de Saint Pol, c’est a savoir sen manoir de Squaves ; item, il a le haute justice ou fief que li sires de Gouve tient dou conte de Saint Pol, c’est a savoir sen manoir de Gouve ; item, il a le haute justice ou fief que Jehans de Wanketin tient dou conte de Saint Pol, c’est a savoir sen manoir de Wanketin. En tous les fiés et en tous les arriere fiés et en toutes les tenances chi deseure devisees a li cuens d’Artoys et si hoir le haute justiche, hors mis et excepté chou qui apartient de le haute justice au conte de Saint Pol si com il est deseure devisé. Et chi apres est li partie ou li cuens de Saint Pol a le haute justice, c’est a savoir a Vilers et es fiés et es arriere fiés et en toutes les tenances qui muevent et descendent et sont dou fief et del homage que Jehans Brovelins de Vilers tient dou conte de Saint Pol ; item, li cuens de Saint Pol a le haute justice a Savie et en tous les fiés et les arriere fiés et en toutes les tenances ki muevent et descendent et sont dou fief et del houmage ke Adans de Savie tient de lui ; item, li cuens de Saint Pol a le haute justice a Berlete et en tous les fiés et les arriere fiés et les tenances qui muevent et descendent et sont dou fief et del homage que me sire Gilles de Berlete tient de lui, hors mis le arriere fief que Capesewe tient de mon signeur Bauduin Cauderon, qui le tient de mon signeur Gillon de Berlete, et hors mis l’arriere fief que Wibers de Biaumont tient de celui mon signeur Gillon de Berlete, si com il est devisé chi deseure de ces II en le partie le conte d’Artoys ; item, li cuens de Saint Pol a le haute justice es fiés et es arriere fiés et es tenances qui sont et muevent et descendent dou fief et del homage ke Wistasses Caudiaus tient de mon signeur Gillon d’Enaucourt, que cil me sire Gilles tient dou signeur de Hacycourt, et li sires de Hacycourt dou conte de Saint Pol ; item, li cuens de Saint Pol a le haute justice es fiés et es arri[e]re fiés et es tenances et es rentes et es terres ahanaules qui muevent et descendent et sont du fief Symon d’Ambrine, qu’il tient dou fief de Habarc ; item, li fiés et li arriere fiés et les tenances qui sont dou fief Jakemon Ammaurri, qu’il tient en fief de Longhebart, sont de le partie le conte de Saint Pol ; item, li cuens de Saint Pol a le haute justice en chinquante et V mencaudees de bos que li sires de Hacycourt tient de lui a Bellancourt ; item, li cuens de Saint Pol a le haute justice es fiés et es arriere fiés et es tenances qui descendent et muevent et sont dou fief et del homage que Hellins d’Av[er]dong tient de lui a Linerueles ; item, li cuens de Saint Pol a le haute justice en tous les fiés et les arriere fiés et es tenances qui muevent et descendent et sont dou fief et del houmage que Bauduins d’Ambrine tient de mon signeur Jehans de Squaves ; item, il a le haute justice es fiés et es tenances qui muevent et descendent et sont dou fief que me sires Mikieus de Squaves tient dou signeur de Berlete ; item, il a le haute justice ou fief et es arriere fiés et es tenances qui muevent et descendent dou fief ke demisele Agnes Mairesse de Wandelicourt tient de lui ; item, il a le haute justice a Gyvenchi et en tous les fiés et les arriere fiés et les tenances qui muevent et descendent et sont del houmage et dou fief ke me sire Nicholes de Gyvenchi tient de lui ; item, il a le haute justice en tout chou que me sire Warins de Becourt tient de lui a Savie et en tous les tenemens qui muevent et descendent dou tenement mon signeur Warin a Savie ; item, il a le haute justice en tous les fiés et les arriere fiés et les tenanches qui muevent et descendent et sont dou fief et del homage que me sire Hellins de Wavring tient de lui a Hamarvile et es apartenances ; item, il a le haute justice es fiés et es arriere fiés et es tenances qui muevent et descendent et sont du fief et del homage que me sire Bauduins de Rume tient de lui a Tylloi et es apartenances ; item, il a le haute justice es fiés et es arriere fiés et es tenances de Betencourt qui muevent et descendent et sont dou fief et del homage Bauduin de Betencourt, qu’il tient de lui ; item, li cuens de Saint Pol a le haute justice en tous les hostes et en tous les tenances et les tenemens que li prieus d’Aubigni a a Savie et a Ysier et a Ghiertruvile et a Wandelicourt ; item, il a le haute justice en tout sen demaine de Aubigni, par le restor ke li cuens d’Artoys en a en le terre de Aire en le terre le signeur de Becourt. En tous les fiés et les arriere fiés et en tous les autres tenemens chi deseure devisés en le partie le conte de Saint Pol, et en toutes les apartenances, demeure li haute justice au conte de Saint Pol et a ses hoirs. Et pour chou que ces parties de le haute justice chi deseure pour l’une partie et pour l’autre devisees soient fermes et estaules parduravlement, nous Estevenes dou Puage et Jehans de Fruyecourt, chevalier devant nommé, avons mis nos seaus a ces presentes lettres. Et nous Robers, cuens d’Artoys, et Guys de Chasteyllon, cuens de Saint Pol, qui nous sommes acordé as parties devant dites, avons pendus nos seaus en ces lettres aveuc les seaus des deus chevaliers devant dis por chou que les parties ne puissen[t] estre corrumpues ne enfraintes ou tans a venir. Ce fu fait en l’an del incarnation nostre Signeur M CC LXXII ans, el mois de jenvier.

date en nouveau style

Benoit Tock

Dainville, AD Pas-de-Calais, 18 H 1 (cartulaire d’Aubigny), f. 60r-62v. (original)