Confirmation par Jean de Sommancourt, chevalier, avec l’accord de ses enfants, de la donation faite aux religieux de Montier-en Der par sa femme Heloïs, récemment décédée, de deux setiers de grain à la mesure de Joinville, moitié froment, moitié avoine, à percevoir chaque année à la Saint Rémi dans la maison qu’Heloïs possédait en alleu à Rupt. — Acte établi au nom et sous les sceaux d’Étienne, doyen de Saint-Laurent de Joinville, et de maître Herbert, doyen de chrétienté de Joinville.

Je, Estenes, diens de Saint Lorans de Jainville, et je, maitres Herbers, diens de la crestiantey de Jainville, faissons a savoir a touz cex qui ces presantes lettres verront et orront que mes sires Jehans, chevaliers, de Sommoncort, a recognu par devant nos que ma dame Heyluiz, sa feme, qui est novelemant tres-passee de cest siegle, cui Deus bone merci face, a donney en Deu et en aumone a-l-esglisse de Monteir en Derf dous sextiers de bleif a la mesuire de Jainville, moitié fromant moitié avainne, a panre chascun an a touz jors parmenablemant au jor de feste saint Remi qui est en-chief d-octambre, en sa maisson que ele tenoit a Ruz, d-alué, ausi com mes sire Jehans dit. Et cest don otroie mesire Jehans et dit que sui anfant le seivent et riens n-an ont contredit. Et en-tesmoingnaige de ces choses avons nos ces lettres saelees de nos saés, par la requeste de mon signor Jehan devant dit, en l-an de grace mil et dous cenz et sixante et trois ans, en mois de mars.

Benoit Tock

Choignes, AD Haute-Marne, 7 H 19 (fonds de l'abbaye de Montier-en-Der) (original)