Échange entre Demengin le Peletier, Orri, son frère, Adelinete, sa sœur, d’une part, le prieur et les frères du Val-des-Écoliers, de l’autre, d’une demie fauchée de pré au lieu-dit «Au Chasne», sous la grange de l’abbaye, contre une étendue de pré équivalente, sise en la prairie de Luzy, sous les moulins, les cens qui grevent chacun des biens cédés étant compris dans l’échange. — Acte établi au nom et sous le sceau d’Étienne, prévôt de Luzy.

Je, Estenes, prevoz de-Lusei, faz a-savoir a-toz cex qui ces presentes letres verront et orront que, en-ma presence establi et reconurent par devant moi Demoingins li-Peletiers et Horris, ses freres, et Adelinete, lor suers, ont eschangié au prior et aus freres dou Val des Escoliers demie faucie de prei, ansamble lou cens que li prez doit, qui siet an ce leu ou on dit Au-Chasne, desoz la grange as devant diz freres, por demie faucie de prei, ansamble lou-cens que li prez doit, qui siet an la praerie de Lusei, desoz les molins, ou prei Hanri de Poloingé. Et ont promis li devant dit Horris, Demoingins et Adelinete, par lor foiz donee corporelment an ma main, que contre ce devant dit eschange il ne revanront, ne neant ne reclameront an la devant dite demie faucie de prei, ne par lor ne par autrui, ainz an porteront leal garantie as devant diz freres contre totes genz. Et por ce que ce soit ferme chose et estable, je devant diz prevoz, a-la requeste des devant dites parties, ai saelees ces presentes letres de mon seel, an tesmoignaige. Ce fut fait an l-an de grace mil .CC. et cinquante oit, ou mois de septembre.

Benoit Tock

Choignes, AD Haute-Marne, 11 H 27 (fonds de l'abbaye du Val-des-Ecoliers) (original)