Bail à rente d'une maison, passé pardevant les Échevins d'Arras, par le Maître de l'Hôpital de Haute-Avesne

Li maistres de la maison de Hospital de Hautavennes, par le consel de frère Jofroi de Babilone e de capitele, par devant les eschivins d'Aras Audefrois e Jahans Mauwine e Jahan li Tailère e Bauduins Fastoul e Sauwale Coustest a il douné à rente la maison ki fu Bauduwin de Cilier à Alard Claudechiefre, à lui e à ses eors, par iiij libres l'an, xl sous à la Saint-Remi et xl sous à le Paske. E si defaloient de la rente à paier, on se tenroit à la devant dite maison e à s'autre maison deu Gardin. Çou fu fait e cranté en l'an de l'Incarnation Mº CCº XIIIº. Por çou ke ceste cose soit ferme e estabe, li maistres le conferme de son scel. Frère Pieres Pielos.

Benoit Tock

Paris, Arch. Nat. (original)