Alexandre III, pape, confirme au chapitre d'Arras le droit d'élire librement son évêque, le prévôt, le doyen et le chantre.

Alexander episcopus servus servorum Dei, dilectis filiis decano et capitulo Atrebatensis ecclesie etc… Apostolice Sedis etc… Sicut hactenus conservatum est in ecclesia vestra eligendi episcopum, decanum, prepositum vel cantorem, liberam facultatem vobis auctoritate apostolica confirmamus, nisi forte ita, quod absit, inter vos aliquorum malitia invaluerit ut hoc aut nolitis, aut non possitis, vel communiter, vel cum majori et saniori parte complere, ita quod, obeunte episcopo vel decano, preposito vel cantore, nullus ibi aliquorum astutia preponatur, nisi quem fratres communi assensu, vel pars fratrum majoris et sanioris consilii, secundum Deum ad predicta officia canonice previderint eligendum. Preterea statuimus ut nulli archiepiscopo vel episcopo, sine manifesta et rationabili causa, aliquem de canonicis ecclesie vestre suspendere liceat, vel in ipsam interdicti vel excommunicationis sententiam promulgare. Prohibemus insuper ne aliquis infra terminos parrochiarum vestrarum sine licentia vestra ecclesiam de novo edificare vel consecrare presumat, salva tamen in omnibus Apostolice Sedis auctoritate. Statuentes etc… Si quis autem etc…

Benoit Tock

Paris, BNF, lat. 9930 (cartulaire)