Le pape Adrien IV confirme l'abbaye de Flines dans ce qu'elle possède, les droits de l'évêque réservés.

Adrianus episcopus, servus servorum Dei, dilectis filiis Clarembaldo preposito, Nicholao decano ceterisque fratribus ecclesie Ste Marie Atrebatensis, salutem et apostolicam benedictionem. Quotiens super bonis ecclesiasticis auctoritatis nostre presidium imploratur, decet nos animo libenti concedere et petentium desideria effectu prosequente complere. Quocirca, dilecti in Domino filii, vestris justis postulationibus grato concurrentes assensu, quicquid ecclesia de Felinis, que ad vestrum jus dicitur pertinere, a quadraginta retro annis legittime sine aliqua interruptione possedit, salvo quidem episcopali jure, vobis auctoritate Sedis Apostolice confirmamus et presentis scripti patrocinio communimus. Antiquam etiam consuetudinem que in Atrebatensi ecclesia inolevit, quod videlicet, defuncto canonico, stipendia prebende ipsius per annum presbiteris ecclesie conceduntur, qui missas, psalmos et orationes pro anima defuncti debeant cotidie celebrare, auctoritate apostolica similiter roboramus et eam presenti scripto duximus muniendam, statuentes etc., si quis autem etc.

Benoit Tock

Paris, BNF, lat. 9930 (cartulaire)