Frumaud, évêque d'Arras, notifie l'accord qui est intervenu entre l'abbaye d'Eaucourt et le curé de Courcelles au sujet du partage des droits paroissiaux de cette église.

F[rumaldus], Dei permissione Atrebatens. dictus episcopus, tam posteris quam presentibus, salutem in Domino. Dignum duximus definitionem precise determinatam inter abbatem Ailcurtensis ecclesie et sacerdotem de Corceles scripto mandari et testibus roborari, ne pervasorum malitia aliquando [di]strahatur et in contentionem iterum suscitetur. Notum itaque facimus tam futuris quam presentibus, quod predicte definitionis determinatio secundum formam subscripte compositionis irrefragabiliter est tenenda. In quinque natalibus anni et in Purificatione beate Marie de omnibus oblationibus abbas predictus duas partes habebit, tertia pars sacerdoti relinquetur. Item si corpus mortui vel mortue presens fuerit, quecunque missa, eo presente, cantabitur, de omnibus oblationibus due partes abbati reddentur, terciam sacerdos habebit. Item de oblationibus nuptiarum due partes ad abbatem referentur, tercia sacerdos gaudebit. Preterea si inter parrochianos de Corceles contingat monomachiam fieri, ubicunque missa pro pugilibus cantabitur, de oblationibus due partes abbati assignabuntur, terciam sacerdos recipiet. Omnes vero alie offerende sine diminutione sacerdotis erunt. Ut autem hec determinatio rata et inconcussa permaneat, confirmamus eam appensione sigilli nostri. Hujus prescriptionis testes sunt, qui subscripti sunt. Signum M[artini] abbatis de Mareolo. S.L. canonici de Ailcurte. S. T[ibertus] capellani. S. H[uberti] decani de Miralmont. S.D. prepositi. S. J[ohannis] de Buscoy. S. Nicholai canonici de Canisvilla. S.S. Ulemberti.

Benoit Tock

[non indiqué] ([non indiqué])