André évêque d'Arras pour Loos (abbaye Notre-Dame)
NuméroF00137
Genrecharte
Date (fourchette)entre 08/08/1171 et 11/11/1163
Authenticiténon suspecté
Languelatin
Diocèse Tournai
Auteur
André évêque d'Arras
Bénéficiaire
Loos (abbaye Notre-Dame)
Regeste
André, évêque d'Arras, notifie l'accord qui est intervenu entre l'abbaye Notre-Dame de Loos et Pierre le Roux de Frévillers.
Texte
In nomine Domini. Ego Andreas, Dei gratia Atrebatensium episcopus. Notam esse volo cunctis fidelibus conventionem quandam inter ecclesiam Beate Marie de Los et Petrum Rufum de Freviler parrochianum nostrum, hac conditione factam ut conversorum pecora, qui ruri ipsius vicinam in alodio Rogerii de Wavirin edificaverant grangiam, in agris ipsius Petri, ubicumque fuerint vacui, wascherium et vias et pascua libere possideant. Hoc sciendum quod Petro vel heredi ejus pecora fratrum nullo modo minare vel exturbare de pascuis licet, quamdiu predicti fratres, si aliquod forte per animalia vel quolibet modo prenominato Petro in frugibus vel nemoribus suis dampnum intulerint, ei satisfacere, Eustachii de Longovado domini sui et legitimorum virorum circum manentium judicio, parati fuerint. Hec Petrus pro anima sua et antecessorum suorum et quia Balduinum fratrem ejus receperunt absque contradictione concessit et custoditurum se fidei sue attestatione firmavit. Hujus pacti testes Eustachius de Longovado qui et obses, Balduinus de Betencort, Simon et Nicole de Fevrin, Marcus et Galo de Tenques, Robertus qui non jurat, Hugo De le Poterie, Simon canonicus de Monte Sancti Eligii, Johannes Dambrin. Quod etiam Ogiva, Petri uxor, apud Rebrovias concessit, audientibus Simone ipsius loci priore, Eustachio le Carpenter, Hugone Lepore, Waltero Lordel. Que ut scripta sunt omnia et testium auctoritate roborata ego Andreas episcopus sigilli nostri impressione confirmo, ut ecclesie permaneant rata et inconcussa.
Bibliographie
TOCK (Benoît-Michel), Les chartes des évêques d'Arras (1093-1203), Paris, 1991, n° 164, p. 184-185
Responsable
Benoit Tock
Source de l'édition
[non indiqué] ([non indiqué])
Comment citer cette notice
Acte n°200774 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte200774/. Date de mise à jour : 16/09/11. Première version : 10 juin 2010.