André évêque d'Arras pour Bourbourg (abbaye Notre-Dame)
NuméroF00136
Genrecharte
Date (fourchette)entre 08/08/1171 et 11/11/1163
Authenticiténon suspecté
Languelatin
Diocèse Thérouanne
Auteur
André évêque d'Arras
Bénéficiaire
Bourbourg (abbaye Notre-Dame)
Regeste
André, évêque d'Arras, confirme à l'abbaye de Bourbourg la possession de l'autel de Coutiches.
Texte
A[ndreas], Dei gratia Attrebatensis ecclesiae minister, dilecte in Christo C[laricie] venerabili abbatisse de Broburg, salutem. Postulasti a nobis, ut donum altaris de Costices, quod a venerabili antecessore nostro G[odescalco] ecclesiae tuae concessum fuerat et scripti sui munimine, quod nobis presentasti, fuerat roboratum, similiter tibi et ecclesiae tuae confirmaremus ac sigilli nostri impressione donum illud perpetue stabilitati traderemus. Nos ergo, opus pietatis et predicti antecessoris nostri donum laudabile scriptura et sigilli sui impressione firmatum attendentes, ipsum etiam altare ex predicta donatione te possidere cognoscentes, auctoritate nostra tibi et ecclesie tuae donum supradictum confirmavimus, statuentes secundum quod sacri canones dictant, ut honestum et idoneum invenias sacerdotem vel tibi vel ecclesie tuae redditum vel aliquem de episcopatu Attrebatensi sive de alio talem, qui a sacris canonibus nullam paciatur repulsam, qui divina populo celebret et sibi subjectis bonum exemplum exhibeat, salvo in omnibus jure Attrebatensis ecclesie et episcopi sicut in instrumento ipsius continetur et ministrorum ejus. Fructus autem et redditus ejusdem altaris usibus sororum tuarum ibidem Deo servientium secundum quod idem episcopus statuit in integrum cedant. Sacerdoti autem, si tamen tibi et ecclesie tuae redditus non fuerit, ita provideas prout cum eo poteris ad utilitatem tuam commodius convenire ut et ille gratum et acceptum Deo valeat exhibere obsequium et tam tu quam sorores que ibidem ex mandato tuo seu earum, que tibi successerint, in divinis fuerint mancipate obsequiis, concessum ab episcopo consequantur beneficium, quod in scripto sue confirmationis ita constituit, ut tot ibi sorores existant quod de fructibus predicti altaris valeant sustentari. De cetero concedimus ut abbatissa vel sorores pro voluntate sua ad alium locum mansionem suam transferant, idem beneficium cum integritate possidentes, verum tamen si terminos parrochie non excesserint. Statuimus itaque ut nulli hominum, salva in omnibus Attrebatensis sedis auctoritate, liceat hujus nostre confirmationis paginam immutare seu iniquis vexationibus perturbare. Quod si quis temerario ausu presumpserit, nisi resipuerit et ad satisfactionem venerit, anathema sit. Hi sunt testes quorum nomina subscribuntur : Frumaldus archidiaconus, Johannes cantor Duacensis, Adam de Sancto Dionisio, Guido nepos episcopi, Guillelmus de Tervania, Arnulfus capellanus, Gerardus presbyter.
Bibliographie
TOCK (Benoît-Michel), Les chartes des évêques d'Arras (1093-1203), Paris, 1991, n° 163, p. 183-184
Responsable
Benoit Tock
Source de l'édition
[non indiqué] ([non indiqué])
Comment citer cette notice
Acte n°200773 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte200773/. Date de mise à jour : 16/09/11. Première version : 10 juin 2010.