Godescalc, évêque d'Arras, notifie la restitution de la dîme de Nova Villula effectuée en faveur de l'abbaye de Marchiennes par Hugues de Roclincourt, et rappelle les possessions de l'abbaye.

In nomine sancte et individue Trinitatis. Ego Godescalcus, Dei miseratione Attrebatensium episcopus, notum fieri volumus tam futuris quam presentibus, quod in potestate Novae Villulae Hugo de Rochelencurt olim sibi injuste usurpaverat decimam quandam Sanctae Rictrudis de Marcenis LXIII raseras terrae parum plus minusve. Hanc reddidit aecclesiae Marceniensi nostra humili justicia. Unde nunc aecclesia habet gelunas duas et terciam. In potestate de Frasne similiter tantum habet et V ortos. In potestate de Ulpi ad XXX raseras. In potestate de Hyser ad XII modios Duacenses. In potestate de Gavarella ad LXIII raseras Duacenses parum plus minusve. In potestate de Menricurt ad XVI raseras, unde Robertus de Fuschiris terram tenebat. Ad decimam omnium istarum potestatum rediit Marceniensis aecclesia anno Verbi Incarnati Mº Cº Lº VIº, precepto Sansonis venerabilis Remorum archiepiscopi et nostro episcopali judicio et canonicorum et omnium personarum quae tunc temporis synodo interfuerunt et quarum nomina ex parte subscripta sunt. Ego Godescalcus episcopus subscripsi. Signum Clarenbaldi archidiaconi. S. Frumaldi archidiaconi. S. Rogeri prepositi. S. Balduini abbatis de Marol. S. Martini abbatis Sancti Vedasti. S. Hugonis abbatis Sancti Amandi. S. Gozuini abbatis Aquicinensis. S. Fulchonis abbatis Hasnonie. Et quoniam nostra interest, in quantum possumus, paci aecclesiae in posterum providere, Marceniensium fratrum precibus libentissime annuentes quicquid supradictum est idoneis testibus annotatis sigilli nostri impressione signavimus. Quod ne quis deinceps in irritum deducere presumat, sub anathemate interdicimus.

Benoit Tock

[non indiqué] ([non indiqué])