Godescalc, évêque d'Arras, confirme la convention passée entre l'abbaye de Furnes et celle de Molesme au sujet des droits paroissiaux de Lucheux et de divers revenus.

Ego Godescalcus, Dei gratia episcopus Atrebatens., notum facio et contestor tam futuris quam presentibus, quod Guillelmus abbas Sancti Nicholai de Furnis nostro et universalis capituli nostri consilio et testimonio solvere debeat singulis annis priori de Luceu unam marcam argenti infra octabas Sancti Leodegarii pro decima videlicet, quam predictus prior habebat in terra de Giroldi Stipitis, et sic abbas Furnensis ecclesiam, decimam et domum suam Giroldi Stipitis in pace possideat atque redditus suos ibi sepeliat. Ceterum, parrochianos de Luceu in infirmitate recipere non poterit sed, si peregrinus quispiam advenerit et ibi mortuus fuerit, elemosinam, si eis dederit, recipiet. Oblationes vero et cetera, que ad parrochiam pertinent, prioris erunt. De famulo abbatis si ibi obierit, sicut de reddito fiet, alios vero famulos in infirmitate recipere nec poterit nec mortuos sepelire. Ut autem hec nostra descriptio rata et inconvulsa permaneat, eam signo nostro munire placuit et testes adhibere. Signum Frumoldi, Clareboldi archidiaconorum. S. Rogeri prepositi. S. Nicholai decani. S. Petri, Rollandi, Giselmanni canonicorum, Franconis capellani.

Benoit Tock

[non indiqué] ([non indiqué])