Godescalc, évêque d'Arras, notifie qu'il a donné à l'abbaye Saint-Nicolas de Furnes deux gerbes d'une part de la dîme de Gros-Tison qui lui avaient été restituées par des laïcs.

In nomine sancte et individue Trinitatis, ego Godescalcus, Dei miseratione Atrebatensis episcopus, notum esse volo tam futuris quam presentibus, quia cum duas garbas decime partis illius de Geronttison, que est in parrochia de Lucsheu, laicorum deditione spontanea, qui eas aliquamdiu licet injuste tenuerant, receptas tenore pacatissimo in manu mea haberem, ipsas nimirum in prima episcopatus mei sinodo ab omni cujuslibet exactione liberas et solutas ad honorem Dei omniumque Sanctorum ejus necnon pro mea meorumque salute antecessorumque meorum requie ecclesie Furnensi Sancti Nicholai donavi. Ut autem hec rata et inconvulsa permaneant sigilli mei impressione confirmari precepi, eos vero qui huic confirmationi nostre quacumque occasione obviare presumpserint, anathematis vinculo quousque condigne satisfecerint innodamus. Factum est hoc presentibus domno et confratre nostro Milone Morinorum epischopo, Phylippo, Milone archidiaconis ejus, Luca archidiacono nostro, Clarebaldo preposito, Nicholao decano, Frumaldo, Rodlando, Wifrido canonicis, Theoderico fratre meo. Presentibus etiam Fulcone abbate de Hasnon, Parwuino Camberacensi abbate, Baldewino abbate de Merul aliisque quamplurimis venerabilibus personis.

Benoit Tock

[non indiqué] ([non indiqué])