Alvise, évêque d'Arras, concède à l'abbaye d'Avesnes une dîme à Courcelles.

In nomine Patris et Filii et Spiritus Sancti, amen. Quoniam nostri officii est possessiones, quas fideles laici sive clerici infra episcopatum nostrum sitas pro peccatorum suorum remissione ecclesiis pia devotione largiuntur, testimonii nostri munimine roborare et ad pacem Deo servientium omnimodis elaborare, ego Alvisus, Dei miseratione Attrebatensis episcopus, totam decimam, quam Symon de Boiscavesne et uxor ejus Adelidis pro anime sue remedio ecclesie Beate Marie de Avesnes in villa, que Curcellis dicitur, dederunt, quam etiam Radulfus Peronensium comes, de cujus feodo decima illa erat et uxor ejus eidem ecclesie concesserunt, venerabilis soror Berta predicte ecclesie abbatissa, tibi et ecclesie tue et sanctimonialibus inibi Deo servientibus concedo, et ne in posterum aliquis super ea ecclesiam tuam vexare presumat, sigilli mei appositione confirmo et per subscriptorum testium nomina in perpetuam possessionem redigo. Signum Luce archidiaconi. S. Hugonis archidiaconi. S. Petri prepositi. S. Nicholai decani. S. Thome cantoris. S. Frumoldi scolastici. S. Herberti et Rollandi et Basilii presbiterorum. S. Adam et Menardi dyaconorum. S. Roberti et Osmundi subdiaconorum.

Benoit Tock

[non indiqué] ([non indiqué])