Général
-
Jean XXII (1316-1334)
-
Ioannae reginae Franciae indulget, ut medicus ipsius reginae visitare valeat praedictam Blancam filiam.1
-
1320, decembris 13, Avinione.
-
1320
-
Carissimae in Christo filiae nostrae Ioannae reginae Franciae et Navarrae illustri.
Magnitudo tuae devotionis erga nos et sedem apostolicam promeretur etc. Hinc est, quod nos tuis devotis supplicationibus inclinati, ut ad visitandam dilectam in Christo filiam Blancam natam tuam, monialem monasterii de Longo campo prope Parisius ordinis sanctae Clarae, aliquem de tuis vel carissimi in Christo filii nostri Philippi regis Franciae et Navarrae illustris medicis eligere tibi liceat, quoties de tua processerit voluntate, idemque medicus clausuram ipsius monasterii licite introire valeat, statum ipsius Blanchae tibi postmodum recto sanoque iudicio relaturus, dummodo dictus medicus in eodem monasterio non comedat nec pernoctet, quibuscunque statutis et consuetudinibus contrariis... non obstantibus, tibi et ipsi medico auctoritate praesentium indulgemus. Nulli etc. Datum Avinione, idibus decembris, anno quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°416., pp.-195
-
Reg. Vat. t. 71, f. 224, ep. 479; cfr. supra n. 361 et infra n. 480.
1