Général
-
Jean XXII (1316-1334)
-
L'écolâtre d'Auxerre maître Raoul Prey et le chanoine d'Orléans Jean Bruard
-
Idibus aprilis, anno secundo
-
-
Avignon
-
Lettre, général (après 1198, littere cum filo canapis)
-
[Registre de la chancellerie apostolique] R1. CITÉ DU VATICAN, Archivio apostolico Vaticano, Registra Vaticana 68, ep. com. 1298.
-
[Registre de la chancellerie apostolique] R2. CITÉ DU VATICAN, Archivio apostolico Vaticano, Registra Avinionensia 9, fol. 276.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 22-4, 1906, p. 683-699, aux p. 692-694 [en ligne].
-
Auguste Coulon, Lettres secrètes et curiales du pape Jean XXII, Paris, 1906, t. I, n. 426, col. 336.
-
Guillaume Mollat, Lettres communes de Jean XXII, t. II, p. 133, n. 6966, analyse.
-
Jean XXII confie à Raoul Prey et à Jean Bruard la mission de faire délivrer au comte de Richemont le legs des 30,000 livres tournois, laissé pour la Croisade par Jean II.
-
Dilectis filiis magistro Radulpho Prey, scolastico Autissiodorensi, et Johanni Bruardi, canonico Aurelianensi, etc.
Orta dudum super solutione cujusdam legati triginta milium librarum turonensium per bone memorie Johannem, ducem Britanie, in subsidium Terre sancte relicti, inter dilectos filios nobiles viros Johannem de Britania, comitem Richemundie, filium suum ex parte una, et Johannem ducem Britanie ac executores testamenti dicti quondam ducis, avi sui, ex altera, materia questionis, tandem post altercationes altrinsecus habitas, pro bono pacis et concordie tractatum extitit, presentibus partibus coram nobis, quod cum bone memorie Arturus, dux Britanie, pater ducis predictu, diceretur legatum ipsum a predictis executoribus recepisse, dux ipse medietatem prefati legati dicto comiti per unum annum, ante proximo futurum ultramarinum generale passagium, solveret, ut interim se posset idem comes necessariis ad ipsum passagium habiliter premunire et aliam infra sex menses ipsius tennini solutionem immediate sequentes eidem comiti integraliter exhiberet, et ad hoc infallibiliter observandum se obligaret idem dux in nostra presentia sub excommunicationis in personam et interdicti penis in terram suam, quas ipse et dicta terra sua incurrerent ipso facto, si deficeret in legato ipso, ut premittitur, exsolvendo, quodque nichilominus pro solidiori cautela solutionis hujusmodi fidejussores daret super hoc eidem comiti certos nobiles Britanie, quos tunc in curia secum presentes habebat.
Actum etiam extitit quod si dictum ducem in ipso passagio transfretare contingeret, idem comes, una cum gentibus armorum pro dicto legato ducendis, suam deberet comitivam et aciem prosequi, dummodo ipse dux pro decenti alterius gentis armigere numero in sua similiter societate ducende de convenientibus sibi stipendiis provideret.
Porro, licet crederemus premissa omnia et singula inter dictos ducem et comitem, ante dicti ducis de curia predicta discessum, penitus concordata fuisse, nuper tamen ex relatione procuratoris dicti comitis miranter audivimus quod, etsi de stipendiis predictis per dictum ducem dandis eidem comiti, et de numero gentis armigere quam pro illis ducere teneretur, idem comes paratus fuerit et adhuc sit stare arbitrio cujuslibet boni viri1 neutri parti suspecti, obligationem tamen de legato ipso in forma prescripta solvendo idem dux facere recusavit, non tam in ipsius quondam avi sui extreme dispositionis quoddam eludium quam in predicti comitis legatarii detrimentum.
Cum itaque per alias nostras certi tenons litteras dictum ducem rogemus et hortemur attentius quatinus considerantes attente quod favendum est voluntatibus decedentium, progenitorum precipue, ubi presertim concernere dinoscuntur pia Dei negotia, que a quibuscunque Christi fidelibus sunt favorabiliter prosequenda, prescriptum de obligatione, ut premittitur, facienda tractatum quem, pensatis circumstantiis debitis, satis debet acceptabilem reputare, ad effectum adducere non omittat.
Et si sibi eum, ut condecet, firmare placuerit obligationem eamdem sub penis predictis coram vobis vel vestrum altero auctoritate nostra recipientibus seu recipiente faciat atque prestet, discretioni vestre per apostolica scripta mandamus quatinus vos vel alter vestrum prefatum ducem, juxta datam vobis a Deo prudentiam, ad perfectionem tractatus ipsius et obligationem in forma prescripta prestandam efficacibus persuasionibus curetis inducere, sicut et sue decentie animeque sue saluti noscitur expedire, recepturi seu recepturus ab ipso nostro nomine obligationem premissam, si eam sub penis prestare pretactis eisque ipso facto subjacere voluerit deficiens in solvendo.
Nos enim vobis et vestrum cuilibet eumdem ducem ad id, ut premittitur, inducendi, et obligationem ab ipso et fidejussoribus predictis recipiendi predictam, necnon decernendi eum, fidejussores et terram predictos ipso facto penas incurrisse predictas, si in terminis predistinctis vel eorum altero de legato non satisfecerint memorato, alioquin compellendi executores prefatos, auctoritate nostra, per censuram ecclesiasticam, ad observationem predicti voluntatis defuncti et omnia alia faciendi, que circa premissa et quodlibet premissorum necessaria fuerint seu etiam oportuna, invocato ad hoc, si opus fuerit, auxilio brachii secularis. Non obstantibus...
Datum Avenione, idibus aprilis, anno secundo. -
1. Le seigneur de Monjean d'après Auguste Coulon.
-
Dom Morice, Histoire de Bretagne, t. I.
Informations
Acte
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27355 (aposcripta-4068), http://telma.irht.cnrs.fr/chartes/aposcripta/notice/27355 (mise à jour : 29/05/2024).