« actes-philippe3-64 »

Pro Nunio Gondissalvo milite.

<Philippus>, Dei gratia Francie rex, dilecto et fideli suo gubernatori regni Navarre, salutem et dilectionem. Incesserimus ex parte Nuni Gondissalvi, militis, quod in servicio quod pro nobis faciebat in Navarra amisit plures equos, ad quorum restaurum dicit nos sibi teneri secundum conventiones inter nos et eum habitas, pro ut in litteris nostris patentibus super hoc confetas plenius continetur ; unde vobis mandamus quatinus, visis et diligenter inspectis predictis litteris, si vobis constiterit nos teneri ad restaurum predictorum equorum, de eodem restauro satisfacere curetis eidem. Preterea significavit nobis quod sunt non nulli a quibus mutuo recepit pecuniam qui sorte non contenti ab ipso vsuras nituntur extorquere, unde vobis mandamus quatinus, si vobis constiterit ita esse, illos creditores sorte sua contentos esse faciatis. Datum apud Fredolium die veneris post purificationem beate Marie Virginis.